Parroquia de Vilanova dos Infantes
Vilanova dos Infantes é unha parroquia que se asenta ao carón do núcleo urbano do Concello de Celanova.
Núcleos
- Carfaxiño
- O Cristal
- A Roda de Abaixo
- Santa María
- Vilanova dos Infantes
Datos de interese
Foi casa importante dos condes Gutier e Ilduara, pais de San Rosendo. A tradición recolle a fundación dun mosteiro feminino, hoxe desaparecido, auspiciado pola nai do santo. Xunguida inicalmente á xurisdición rexia de Milmanda, a vila pasaría polas mans de distintas casas nobiliarias, os Biedma, os Ulloa, os Zuñiga e os Monterrei.
Contaba con recinto amurallado e fortaleza, da que só se conserva a torre da homenaxe, clara representación do poder na zona. Construída na segunda metade do s. XII, érguese no centro da vila, foi derribada a finais do XV durante as revoltas irmandiñas y reconstruída totalmente como se recolle na declaración do preito que enfronta en 1481 ao mosteiro e ao concello de Celanova: "...que o dito senor abbade lle fezera pagar de cada casa çento et vinte maravedis para a torre de Vilanova que derrubara a Yrmandade". As portas, a unha altura considerable do chan, obrígannos a imaxinar como serían as pontes levadizas que unían a torre co resto da fortaleza e das que son se conservan as ménsulas de apoio.
Tivo concello propio ata 1927, cando se anexionou a Celanova.
Lugares de interese
- A capela da Virxe do Cristal rende culto a unha diminuta figura mariana que se acha dentro dun bloque cilíndrico de apenas uns centímetros, se cadra a imaxe máis pequena de Nosa Señora. A historia do achado inspirou o famoso poema de Curros Enríquez, " A Virxe do Cristal".
- A igrexa parroquial, onde se conserva un destacado Cristo románico procedente, seguramente, do mosteiro feminino de Santa María de Vilanova.
- A Torre de Vilanova, inclúe un documentado centro de interpretación da comarca.
- A cova de San Vivián, curiosa escavación subterránea aos pés do castelo na que podemos ver unha mostra do antigo oficio de zapateiro.
Festas
- Romaría Etnográfica Raigame (17 de maio).
- Virxe do Cristal (15 de setembro).
