Parroquia de Alcázar de Milmanda
Alcázar de Milmanda é unha parroquia que se asenta no Concello de Celanova.
Núcleos
- A Arrotea
- A Barreira
- A Casiña
- Canto
- Eiras
- Lavandeira
- Miranzo
- Seoane
- Vila
Datos históricos
Coa intención de asentar o poder da Coroa fronte aos señores feudais da znoa, o rei Alfonso IX decidiu otorgarlle Foro Real a Milmanda no 1199, converténdose de facto no princiapl núcleo da comarca, con importantes atribucións comerciais e un extenso alfo. O propio monarca decide, anos máis tarde, entregarlle este enclave ás súas fillas, Sancha e Dulce, en concepto de dote xunto con outras fortalezas do reino. Polo seu emprazamento estratéxico xogou un papel importante nos conflitos con Portugal que se estenderon ata época moderna. No s. XIV foi ocupada polo monarca portugués Fernando I, que chegou a establecer a súa corte no Alcázar.
O castelo foi destruído nas revoltas irmandiñas e os veciños obrigaados a levantalo novamente. Do recinto fortificado aínda son visibles restos do foxo defensivo e da torre, aproveitada como espadaña da igrexa de Santa María, que se construíu na Idade Moderna.
Lugares de Interese
- Igrexa de Santa Eufemia, magnífica edificación do s. XVIII.
- A carón da reitoral, un impresionante pero das ánimas, dos máis grandes e vistosos da provincia.
- Lugar de recreo nas proximidades do encoro do Río Tuño.
- Capela da Magdalena, onde se atopa unha Fonte Santa, a cuxo manantial se lle atribúen propiedades curativas de verrugas.